Saturday, July 20, 2019

KAMPANYA SA SSS BATOK SA MGA NON-COMPLIANT EMPLOYERS SA TIBUOK NASOD INGON MAN ILIGAN, MAS GIPALIG-ON

(Huwebes, Ika-4 sa Hulyo 2019)

 

MAS gipalig-on sa Social Security System (SSS) ang ilang kampanya sa tibuok nasod batok sa mga non-compliant employers ingon man sa dakbayan sa Iligan. Diin, niadtong milabay’ng semana, gipahigayon sa maong ahensiya ang Campaign After Contribution Evaders (RACE). Gibutyag ni Atty. Edwin M. Alo, ang SSS Vice President for Northern Mindanao Division, nga 15 ka mga employers ang nakit-an ug nasuta nga dili compliant kun masinundanon tungod sa dili pag-remit og SSS kontribusyon, dili pagtaho sa mga empleyado, ug sa pagrehistro sa ilang negosyo ngadto sa SSS. Sa gihimong RACE operation sa maong ahensiya, gibisita niini ang Fe D. Magallon, Vivian Y. Bernardo, Iligan City Technical Institute, Rufina A. Racines, Iligan Transmotor Corporation, St. Margaret Child Learning Center, Ryan V. Destura ang Gem Marie R. Cletdue nga sa dili pagbayad sa kontribusyon sa SSS nga adunay total delinquency nga kantidad P2.42 milyones nga adunay total nga 124 ka mga empleyado. Gibisita usab sa SSS ang FICUVA Multi-Purpose Cooperative, FDP Marketing, Daylinda C. Ayop, Lonita Pulmones, Dexin M. Uy, and MAMSAR Construction and Industrial Corporation nga gitawag usab nga non-compliant tungod sa dili pagtaho sa mga empleyado. Samtang, usa ka Andrew Ryan A. Cabillas ang gibisita usab sa RACE Team alang sa dili pagparehistro sa iyang negosyo ngadto sa SSS. Ang tanang mga employers nga gipailalom sa RACE Operations nakadawat sa Show Cause Orders nga nagkinahanglan kanila nga moreport sa SSS sulod sa 15 ka adlaw gikan sa pagkadawat sa notice gikan sa nasangpit nga ahensiya.

 

Maricris Jumalon Tumimbang / CIO

 

photo credit: SSS-iligan