Friday, October 19, 2018

KAPIN NUEBE MIL KA MGA ESTABLISYEMENTO SA ILIGAN ANG MIKUHA UG MILUKAT SA BUSINESS PERMIT KARONG TUIGA

(Huwebes, Ika-11 sa Oktubre 2018)

 

MI-ABOT ngadto kapin sa nuebe mil kapin ka mga establisyemento diri sa dakbayan ang mikuha ug milukat sa ilang mga business permits. Base sa tala sa Permits & Licensee’s Division, anaa sa 1,228 ka mga establishments ang mikuha og business permit gikan niadtong bulan sa Enero hangtod karong ikaduhang semana sa Oktubre ning kasamtangang tuig. Samtang ang mirenew karong tuiga mi-abot ngadto sa 7,491 gikan sa bulan sa Enero hangtud Oktubre. Base sa record sa maong buhatan, mitaas ngadto sa kapin sa libo ang nadugang karong kasamtangang tuig bisan wala pa nahuman ang tuig 2018, kumpara niadtong 2017 nga kapin siyete mil lamang ka mga establisyemento ang mikuha ug milukat sa ilang mga business permit.

 

– Maricris Jumalon Tumimbang / CIO

###