Saturday, November 18, 2017

KAPIN SAIS MIL KA MGA IDPs SA BARANGAY TUBOD MIDAWAT UG TAG-TULO KA FOOD PACKS GIKAN SA DSWD

(Biyernes, Ika-10 sa Nobyembre 2017)

 

MIDAWAT ug mga food packs gikan sa Department of Social Welfare and Development ang kapin sais mil ka mga Home Based nga Internally Displaced Person o IDPs sa barangay Tubod niadtong milabay’ng adlaw. Matud ni Ms. Jaraha Pandapatan sa DSWD 10 nga intended lamang ang maong mga food packs sa mga nagpabiling anaa dinhi sa dakbayan sa Iligan sanglit laing tabang usab ang ilang gigahin alang niadtung mga namalik na sa ilang mga panimalay didto sa Marawi City.

Midawat niadtong milabay’ng adlaw ug tagtulo ka food packs matag usa ka IDPs nga adunay gihuptang DFACT tungod kay nanobra man ang gidaghanon sa nangabot nga foodpacks kun asa mi-abot kini sa dise nuwebe mil kabook. Sa ilang pagdawat mapasalamaton ang mga IDPs tungod wala man nahunong ang gobyerno sa paghatag ug ayuda kanila bisan pa ug natapos na ang kagubot sa dakbayan sa Marawi.

 

– – Bobby Capangpangan/CIO

###