Saturday, September 21, 2019

KAPULISAN, GIHINGUSGAN ANG KAMPANYA SA “BAWAL BASTOS LAW”

(Miyerkoles, Ika-11 sa Septembre 2019)

 

GAWAS sa kampanya batok sa ilegal nga droga, gihingusgan usab karon sa kapulisan ang ilang kampanya kun information dissimenation kalabot sa “Bawal Bastos Law”. Kini pinauyon sa Republic Act 11313 o ang “Safe Streets and Public Spaces Act” nga nagtinguha nga mapugngan ang sekswal nga pagpanghilabot sa gender nga mahitabo sa mga kadalanan, publiko nga lugar, lugar sa trabahoan, ug mga institusyon sa edukasyon ug pagbansay. Gidili ubos sa maong bag-ong balaod ang : pagpamalikas o pagpanunglo (cursing), pagpanaghoy (wolf-whistling), paghunghong, pagpanitsit (catcalling), pagpaniklap (leering), pagtamay kun pagpanghilabot sa panan-aw, pagbiaybiay, dili gusto nga mga imbitasyon, misogynistic, transphobic, homophobic, ug sexist slurs. Lakip usab ang padayon nga dili gusto nga mga komentaryo sa hitsura sa usa ka tawo,walay hunong nga mga hangyo alang sa personal nga mga detalye sama sa ngalan, kontak ug mga detalye sa social media o destinasyon ingon man ang paggamit sa mga pulong, mga lihok o mga aksyon nga nagbiaybiay sa sukaranan sa sekso o oryentasyon sa sekswal, pagkatawo o ekspresyon. Sa nakit-ang sad-an sa paglapas sa maong “Bawal Bastos Law” pamultahan og P1, 000 hangtod 100,000 ug mahimo ma priso sulod sa usa (1) ka bulan.

 

Maricris Jumalon Tumimbang / CIO

 

photo credit: philstar.com