Friday, December 06, 2019

KAPULISAN PADAYON ANG KAMPANYA BATOK TIGPAYUHOT SA ILEGAL NGA DROGA

(Miyerkoles, Ika-20 sa Nobyembre 2019)

 

HINGUSGAN pa ug dili maghunong ang kapulisan sa pag-check, pag-monitor sa mga indibidwal nga nahilambigit sa droga ingon man sa kinsa mipailawon sa CBDRP o Rehabilitasyon aron maseguro nga dili na kini makabalik sa bisyo. Kini ang hugtanong gibutyag ni PNP City Director PCOL. Michael Pareja atol sa pagkayab sa nasodnong bandila sa City Hall dungan sa pag-obserba sa “National Drug Prevention and Control Week” .

Gani gidasig ni Pareja ang mga Barangay Council sa tanang kabarangayan sa Iligan alang sa pagtimbayayong sa mga ahensiya sa balaod tungod sumala pa kini ang pinaka-kinahanglan o first defense alang sa rehabilitasyon sa mga individwal nga nagamit sa gidiling droga. Dugang pa ni Pareja, nga uban sa tinguha sa lokal nga kagamhanan ,tinguha gayod usab niini nga mamahimong “Drug-Free” ang dakbayan sa Iligan.

 

Maricris Jumalon Tumimbang / CIO