Friday, January 18, 2019

KONSEHAL ANCIS, HUGTANONG GIDUSO ANG PAG-UNDANG SA SMALL TOWN LOTTERY (STL) DIRI SA ILIGAN

(Huwebes, Ika-10 sa Enero 2019)

 

DETERMINADO gayod si Konsehal Renato Ancis uban sa mga konsehales ug ni Bise-mayor Jemar Vera Cruz nga hingpit nang maundang ang Small Town Lottery (STL) diri sa dakbayan sa Iligan, mao kini ang subli ug hugtanong giduso ni Ancis atol sa pinakaunang Sangguniang Panlungsod Regular Session karong tuig 2019. Diin, Mass Motion ang nahimong pagboto sa mga konsehales tungod nakita niini nga gihimo lamang front sa ubang operators ang STL aron mapalusot ang ubang ilegal number games sama sa swertres. Sigon ni Ancis nga prone lamang ang maong STL operation sa korapsiyon. Nagkauyon ang 16th council nga ihatag ngadto kay Mayor Celso Regencia ang otoridad alang sa hingpit nga pagwagtang ug pag-undang sa operasyon sa STL diri sa dakbayan.

 

– Maricris Jumalon Tumimbang / CIO