Monday, March 18, 2019

KONSEHAL BALANAY MIINGON SA VIVAC CORP. NGA POSIBLENG MAKASUHAN OG ILLEGAL RECRUITMENT KUNG MAGPADAYON SA PAG-PANG-RECRUIT BISAN WALA’Y PERMISO SA DOLE UG PESO

(Huwebes, Ika-14 sa Marso 2019)

 

GIPAMAHAYAG ni Konsehal Jessie Ray Balanay sa pag-atubangay sa mga opisyales sa VIVAC Conglomerates Corporation ug 16th council sa SP session niadtong milabay’ng adlaw nga posibleng makasuhan ang VIVAC Corp. kung magpadayon kini sa pag-pang-recruit og mga tawo para sa NSC sa bisan nga wala kini’y permiso gikan sa PESO ug DOLE hilabi na nga wala pa kini nakighinabi kay Mayor Regencia ug sa NSC Technical Working Group kalabot sa plano niining pagpalit sa kanhing kumpanya sa puthaw. Sumala ni Balanay, nga adunay himoon nga imbestigasyon ug lakang ang mga opisyales sa dakbayan sa pagukod sa mga tawong nagpang-recruit ug nagpaila nga masugdan ug maablihan na ang NSC gumikan kay naghimo lamang kini og kagubot ug pagkalibog sa mga tawo diri sa dakbayan.

 

– Maricris Jumalon Tumimbang / CIO