Wednesday, April 24, 2019

KONSEHAL BUNZ LIM, NAGPADAYAG SA IYANG SENTIMENTO SA GIDUSONG RESOLUSYON KALABOT SA ULTRA SOUND MACHINE UG UBANG KAHIMANAN SA CITY HOSPITAL

(Lunes, Ika-11 sa Pebrero 2019)

 

GIPADAYAG ni Konsehal Belinda Lim atol sa pinaka-unang regular Sangguniang Panlungsod session karong bulan sa Pebrero ang iyang sentimento kalabot sa giduso nga mga resolusyon sama sa ultra sound machine ug ang pagpalit sa mga ingredients nga kinahanglan sa Dialysis sa Gregorio T. Lluch Memorial Hospital. Gipamahayag ni Lim ang iyang dakong kasubo gumikan sa pipila na ka higayon nga ang maong mga resolusyon na-defer ug hangtod karon wala pa kini pinal  na ma-desisyonan sa mga miyembro sa 16th council. Sumala ni Lim, tuyo niyang mabutangan gayod og eksaktong kahimanan ang City Hospital hilabi na ang ultra sound machine ug ang suplay sa mga ingredients alang sa Dialysis tungod kay dako kaayo ang ikatabang niini ngadto sa mga kabos nga pasyente nga walay ikabayad sa pang-dialysis. Gihangyo ni Lim, ang kaubang mga konsehales alang sa usa ka special session aron pagatukion ug pagtulun-an pag-usab ang mga gidusong resolusyon niini nga diin, ang dakong makabenepisyo mao ang pobreng katilingban sa dakbayan.

 

– Maricris Jumalon Tumimbang / CIO