Friday, December 06, 2019

KONSEHAL ONG, HUGTANONG SUPAK SA VAPING O PAGGAMIT OG E-CIGARRETTE SA PAMPUBLIKONG LUGAR SA ILIGAN

(Huwebes, Ika-28 sa Nobyembre 2019)

 

Dakong supak o dili uyon si Konsehal Rhandy Francis Ryan Ong sa Vaping o paggamit sa E-Cigarrette sa tanang pampublikong lugar dinhi sa dakbayan sa Iligan. Kini ang iyang gipamahayag atol sa Priviledge Hour sa Sangguniang Panlungsod regular session niadtong Martes, Nobyembre 19. Gani, gidasig ni Ong ang iyang mga kaubanan sa 17th council nga suportahan ang laraw niya himoong ordinansa sa pag-ban sa Vaping sa pampublikong lugar sa Iligan. Sumala ni Ong, nga nadiskobrehan bag-ohay lamang nga ginagamit ang Vape o E-cigarrette aron butangan og Marijuana ingon man Methamphetamine.

Nakadawat ang Department of Health (DOH) sa pinaka-unang reported case sa sakit sa baga nga related sa Vaping. Diin, usa ka 16 year old nga teenage girl sa Central Visayas ang duna nay lung injury tungod sa paggamit niini og E-cigarrette sulod sa unom ka bulan, kinsa na-hospital ug nanginahanglan og Oxygen supplementation ug ICU admission. Matod ni Ong, nga dili niya tugutan ang susamang panghitabo sa mga kabatan-onan diri sa siyudad busa maghimo gayod siya og Ordinansa kalabot sa pagdili sa Vaping o Paggamit sa E-cigarrette sa tanang pampublikong lugar diri sa Iligan.

 

Maricris Jumalon Tumimbang / CIO