Wednesday, October 23, 2019

KONSTRUKSIYON SA KOI POND SA CITY HALL, GISUGDAN NA

(Huwebes, Ika-11 sa Hulyo 2019)

 

GISUGDAN na kagahapong adlawa ang konstruksiyon sa Koi Pond atubangan sa Main Bldg. sa City Hall. Kini gihimo ubos sa mando ni City Mayor Celso Regencia ngadto sa buhatan sa City General Services Office (CGSO) nga gipangulohan ni Atty. Dexter Rey Sumaoy. Sumala ni Sumaoy, usa kini sa proyekto sa amahan sa dakbayan kinsa gipalit personally ang mga koi tungod sa kaluoy niini sa tag-iya sa mga isda nga anaa sa Baslayan Creek sa Purok De Oro, Barangay Poblacion. Matod ni Sumaoy nga modern ang desinyo sa gihimong koi pond sa City Hall ug duna kini’y kalawomon nga 4-5 ft. ug duha ka filtration nga gibanabana nga mahuman sulod sa duha ka bulan. Gilaoman nga ang maong Koi pond mamahimong atraksiyon sa mga bisita ug sa tanang mga humahapit sa Iligan City Hall.

 

Maricris Jumalon Tumimbang / CIO