Tuesday, November 30, 2021

LIBRENG ADVERTISING UG PROMOTION SA TANANG LOKAL NGA PRODUKTO UG ESTABLISYEMENTO, GITANYAG SA BUHATAN SA TURISMO SA SIYUDAD

(Martes, Ika-23 sa Nobyembre 2021)

 

GITANYAG karon sa City Tourism Office (CTO) ang LIBRENG ADVERTISING ug PROMOTIONS alang sa tanan nga lokal homegrown ug accredited nga pagkaon, ilimnon , produkto ug establisyemento dinhi sa siyudad.

Kini ang gi-anunsiyo sa Turismo kagahapong adlawa pinaagi diha sa ilang opisyal facebook page. Ang maong kalihokan usa sa mga programa sa Turismo sa siyudad aron mas pakusgan ang digital marketing sa lokal nga brand sa turismo sa Iligan pinaagi sa pag-promote sa lokal nga mga produkto ug serbisyo.

Aron makapahimulos sa naasoy nga programa, mahimo lamang mobisita sa buhatan sa City Tourism o magpadala’g mensahe pinaagi sa ilang opisyal FB page nga mao ang Viva Tursimo Iligan.

 

Maricris Jumalon Tumimbang / CIO