Tuesday, April 07, 2020

LOKAL NGA KAGAMHANAN LARAW MAGTUKOD OG KAUGALINGONG GASOLINE STATION

(Biyernes, Ika-20 sa Disyembre 2019)

 

BIDS AND AWARD COMMITTEE — Gilaraw karon sa lokal nga kagamhanan ning siyudad ubos sa pangpangulo ni Mayor Celso G. Regencia nga magtukod o magbaton og kaugalingong gasoline station diri sa dakbayan sa Iligan.

Kini ang giluwatang pamahayag ni BAC Chairman Atty. Dexter Rey Sumaoy sa pagkayab sa nasodnong bandila sa Anahaw Ampitheater sa City Hall, niadtong adlaw’ng Lunes Disyembre 2, 2019.

Dugtong sa pamahayag ni Atty. Sumaoy, nakita nila nga dako kaayo ang gasto sa kagamhanang lokal alang sa gasolina sa matag departamento tungod mokabat ngadto sa Napulog-Tulo  hangtod sa Napulog-Lima ka Milyones ka pesos (13 up to 15 million pesos) ang magastos niini matag kuwarter.

“Kon magka-ugalingon og estasyonan sa Gasolina ang siyudad, dako ang matipid niini, sanglit makatigom kini og dili mo minos sa kinyentos hangtod sa setesentos mil ka pesos ( 500 up to 700 thousand pesos) matag kuwarter, mao kini ang pinakadakong butang ang ilang gi-basehan sa laraw nga makapanag-iya ang Lokal nga kagamhanan og kaugalingong Gasoline Station” dugang pamahayag ni Atty. Sumaoy.

 

Maricris Jumalon Tumimbang / CIO