Wednesday, August 22, 2018

MAMMOGRAM MACHINE ALANG SA CITY HOSPITAL, GI-UYUNAN SA TANANG KONSEHALES SA DAKBAYAN

(Miyerkules, Ika-8 sa Agosto 2018)

 

GI-UYUNAN sa tanang mga konsehales sa dakbayan, ang sugyot resolusyon ni Konsehal Belinda Lim nga mohangyo sa Department of Health (DOH)-Region 10 alang sa paghatag ug Mammogram Machine ngadto sa Gregorio T. Lluch Hospital diri sa dakbayan. Tumong ni Lim, nga hatagan usab ug prayoridad ang maong sakit kay diin usa kini ka common nga klase sa cancer sa mga kababainhan nga posibleng ikamatay. Ug sumala pa, pinaagi sa Mammogram machine, mas sayong ma-detik ug ma-diagnose ang breast cancer sa usa ka babaye. Busa, gipaninguha gayud sa konsehala nga makab-ot sa dakbayan ang nasangpit nga machine alang sa dugang usab nga kahimanan sa balay-tambalanan diri sa dakbayan ug alang sa kaayuhan sa mga kababayen-an diri sa atong dapit.

 

– Maricris Jumalon Tumimbang / CIO

###