Tuesday, May 23, 2017

MAYOR REGENCIA MIMANDO NILA NI CHIEF REY CLAVANO UG CITY TREASURER MAYBITUIN ALANG SA PAGHATAG UG AKSYON SA MGA BARANGAY NGA WALA NAGTUKOD UG BMRF

(Huwebes, Ika-16 sa Pebrero 2017)

 

GIMANDO-AN ni Mayor Celso G. Regencia sila City Accounting Office Chief Rey Clavano ug City Treasurer Louella Maybituin nga mohatag ug time line alang ngadto sa mga barangay nga wala pa nakatukod sa ilang BMRF bisan pa man nga nahatag na ngadto kanila ang 450 mil pesos nga pundo alang sa maong katukuran. Sumala pa ni Mayor Regencia atol sa pagpatawag niini ug meeting kagahapong adlawa sa mga official sa 44 ka barangay sa dakbayan nga kinahanglan mapasakaan ug kasong technical malversation of public funds ang mga barangay nga hangtod karon wala pa nakatukod ug BMRF taliwala sa dugay na nga na-release na pundo alang niini.

Gihimo sa atong mayor ang nasangpit nga kamando-an gumikan kay duna nay cease and desist order ang buhatan sa Environment and Management Bureau sa DENR dinhi sa atong dakbayan alang sa pagdili na sa paglabay sa mga unsegregated garbage didto sa CMRF nga nahimutang sa Brgy. Bonbonon. Matod sa atong mayor nga kinahanglan nga sa barangay pa lamang na-segregate na ang mga basura aron kadto na lamang nga basura nga dili mapuslan ang mahatod ngadto sa dumping site. Samtang gidayeg usab ni Mayor Regencia ang Brgy. Sto. Rosario diha sa pagtuman sa maong balaod diin nakita ang pagkolekta sa ilang mga basura.

 

– – – City Information Office / Bobby Capangpangan

###