Tuesday, May 23, 2017

MAYOR REGENCIA PERSONAL NGA MOBISITA SA MGA BARANGAY NGA NAHATAGAN NA UG BUDGET ALANG SA BMRF

(Miyerkules, Ika-15 sa Pebrero 2017)

 

PERSONAL nga tuyukon ni Iligan City Mayor Celso G. Regencia ang mga barangay nga nakadawat na sa 450 mil pesos nga budget alang sa katukuran sa Barangay Material Recovery Facility kun BMRF. Matod pa sa atong mayor nga sa oras nga iyang nakita ang mga barangay nga nagahinan na sa maong pundo apan wala pa nakatukod sa nasangpit nga pasilidad hayan nga iya kining pasakaan ug kaso base usab sa balaod diha sa 9003 nga solid waste management.

Matod pa nga ang nasangpit nga mga barangay nga nakadawat sa maong kantidad mao ang Brgy. Abuno, Bagong Silang, Buruun, Dalipuga, Ditucalan, Kiwalan, Luinab, Tibanga, Tubod, Upper Tominobo, Del Carmen, Palao, Pugaan, San Miguel, Saray, Santiago, San Roque, Cabacsanan, ug Rogongon. Samtang ang wala mahisguting mga barangay ang wala pa makadawat sa maong pundo alang sa katukuran sa mga BMRF.

 

– – – City Information Office / Bobby Capangpangan

###