Saturday, March 23, 2019

MAYOR REGENCIA, SUBLING GITUBAG ANG ISYU KALABOT SA PAGMUGNA SA SPECIAL CAFGU ACTION AUXILIARY (SCAA)

(Miyerkoles, Ika-9 sa Enero 2019)

 

SUBLING gitubag ug gitin-aw ni Mayor Celso G. Regencia ang isyu kalabot sa pagmugna sa Special Cafgu Action Auxiliary (SCAA ) human gikalat ug gipagawas sa mga kritiko nga gihimo niya kining private army. Sumala ni Regencia, gimugna ang SCAA tungod sa pag-ulbo sa giyera sa Marawi aron madungagan ang puwersa sa mga kasundalohan ug kapulisan diri sa Iligan ubos sa pagtugot ni President Duterte ubos sa gi-isyung clearances sa Secretary Of National Defense ug sa Chief of Staff sa Arm Forces of the Philippines (AFP). Gibutyag ni Regencia nga dili pa kini inutil aron magpasunod-sunod sa maong auxiliary team ug gamiton niya kining private army tungod kay ang tahas sa SCAA mao ang pag-alayon sa kapulisan ug kasundalohan aron panalipdan ang katawhan batok sa mga walhong grupo ug ang pagmintinar sa kahusay ug kalinaw diri sa dakbayan.

 

– Maricris Jumalon Tumimbang / CIO