Wednesday, November 20, 2019

MEMORANDUM OF AGREEMENT TALI SA LOKAL NGA KAGAMHANAN UG MSU-IIT ALANG SA RESEARCH PROGRAM KALABOT SA GROUND WATER UG SURFACE WATER SA BONBONON UG DIGKILAAN, APROBADO

(Biyernes, Ika-8 sa Nobyembre 2019)

 

GIKAUYONAN usab sa mga konsehales sa SP session kagahapon ang pagtugot kay Mayor Celso Regencia sa pagsulod ug pagpirma sa Memorandum of Agreement (MOA) uban sa MSU-Iligan Institute of Technology kalabot sa research program alang sa ikaayo sa panglawas ug ang impak sa kinaiyahan sa Central Recovery Facility (CMRF), ingon man ang pagtuon sa mga ground water ug surface water sa Barangay Bonbonon ug Digkilaan alang sa mga residente sa maong mga dapit. Diin, kalakip sa MOA, ang pagahin sa siyudad og Php 1million pesos ngadto sa MSU-IIT aron magamit sa research program sa nasangpit nga tunghaan.

Base sa presentasyon nga gihimo ni Engr. Maria Sheila K. Ramos, professor sa Chemical and Environmental Engineering sa MSU-IIT ug Project leader sa maong proyekto o programa, nagpositibo sa lead ug E-coli ang water sources sa maong mga lugar. Sumala usab niini nga nagpahigayon na sila ug sampling sites ug aduna na sila’y nasuta ug nakita nga mga possible alternative drinking water sources alang sa mga residente.

Samtang sa laing bahin, nagtuo si Bise- mayor Jemar Vera Cruz nga adunay mamahimong maayong resulta ang maong research program tali sa lokal nga kagamhanan ug MSU–IIT aron matabangan ang mga residente sa nasangpit nga mga lugar.

 

Maricris Jumalon Tumimbang / CIO