Saturday, December 15, 2018

MGA BARANGAY COUNCIL SA DAKBAYAN, GIHATAGAN UG 30-60 DAYS ALANG SA INFORMATION DISSIMINATION KALABOT SA ORDINANSA MAHITUNGOD SA PAG-REGULATE SA OPERASYON SA MGA NAGNEGOSYO UG CARWASH KILID SA NATIONAL HIGHWAYS UG KADALANAN SA DAKBAYAN

(Biyernes, Ika-3 sa Agosto 2018)

 

GIHATAGAN ni Konsehal Renato Ancis ug Konsehal Ian Uy ang tanang barangay council sa dakbayan ug 30 hangtud 60 days alang sa pagpahibalo ug pagpasabot sa tanang mga car wash owners sa ilang mga ginsakpang barangay mahitungod sa unod sa aprubadong ordinansa kalabot sa pag-regulate sa operasyon sa mga nagnegosyo ug car wash kilid sa National Highway ug mga kadalanan diri sa atong dakbayan. Diin sumala ni Ancis, nga mao’y nangamahan sa nasangpit nga ordinance, kinahanglan nang ma-implementar na kini kay diin usa gayud hinungdan sa paguba sa mga kadalanan mao ang pirming basa nga kalsada nga gikan sa mga car wash ug aron usab mahilikay sa peligro ug disgrasya ang mga motorista. Samtang, gipasabot usab ni Konsehal Uy ang mga car wash owners nga dili nila tumong nga lisod-lisuron ang mga car wash businesses diri sa dakbayan, kay diin gusto lamang niini mahiluna ug musunod sa eksaktong pamaagi ug sa mga prohibitions alang usab sa public safety.

 

– Maricris Jumalon Tumimbang / CIO

###