Tuesday, June 25, 2019

MGA BASIC COMMODITIES NGA MITAAS KARONG UNANG QUARTER SA TUIG

(Miyerkoles, Ika-17 sa Abril 2019)

 

GIPRESENTA sa Department of Trade & Industry (DTI) atol sa unang pangtigom sa LPCC niadtong milabay’ng adlaw ang ilang gihimong monitoring ug price trend sa mga basic commodities sa mga grocery stores ug supermarkets sa Iligan sa unang quarter karong tuig 2019. Base sa 36 ka mga establisyemento ug pulo (10) ka mga produkto nga namonitor sa DTI-Iligan, duna’y pagtaas sa presyo sa mga canned sardines, processed milk ug coffee. Diin, sa katorse (14 ) ka mga brand sa sardinas nga namonitor, 555, Lucky7, King Cup ug Atami sardines ang dunay pagtaas sa presyo gikan P0.30 –P1.55 kun 2-10 porsiyento. Samtang sa desiotso (18) ka klase sa Processed Milk sama sa sweetened o condensed milk ug evap milk nga namonitor, dunay pagtaas sa Milkmaid Sweetened Milk, Alpine Evap ug Alaska Evap gikan P0.50 –P3.00 o 1-4 porsiyento. Samtang sa dose (12 ) ka klase o brand sa Cofee, ang dunay pagtaas mao lamang ang Nescafe Coffee Blend gikan P0.05 o 1 porsiyento. Base sa DTI monitoring, duna usab pagtaas sa ubang brands sa prime commodities sama sa flour, meat loaf, beef loaf, corned beef ug vinegar.

 

Maricris Jumalon Tumimbang / CIO