Saturday, July 20, 2019

MGA ERPAT GROUP SA DAKBAYAN, NAGTIPOK ALANG SA PAGSAULOG SA ERPAT DAY KAGAHAPONG ADLAWA

(Martes, Ika-25 sa Hunyo 2019)

 

NAGTIPOK sa City Public Plaza kagahapong adlawa ang mga Erpat Group gikan sa nagkadaiyang baranggay ning dakbayan alang sa pagsaulog sa Erpat Day. Kini ubos sa pagpanguna ni Konsehal Rhandy Ryan Ong, ang Chairman sa Committee on Social Services uban sa City Social Welfare & Development (CSWD). Sumala ni Konsehal Ong nga kinahanglan tagaan og pagtagad ang maong adlaw alang ngadto sa tanang mga tatay kay diin i-selebrar lamang kini kausa sa usa ka tuig ug pinaagi niini maila usab ug mahatagan og pasidungog ang mga sakripisyo ingon man ang mga paningkamot sa mga tatay o amahan. Giawhag usab ni Ong ang mga anak nga himoong erpat day ang matag adlaw ug dili kalimtan ang pagpasalamat sa mga amahan ilabi na ang pag-ingon ngadto kanila og “I Love you “samtang anaa pa kini sa kalibotan.

 

Maricris Jumalon Tumimbang / CIO