Thursday, August 22, 2019

MGA HINGTUNGDANG AHENSIYA, NAGTIGOM ALANG SA PLANONG PAGPAHILUNA SA MGA BIKTIMA SA SUNOG SA UBALDO D. LAYA

(Biyernes, Ika-7 sa Hunyo 2019)

 

NAGPULONG-PULONG ang mga hingtungdang ahensiya gikan sa lokal ug nasyonal nga kagamhanan sa House Resettlement Office (HRO) kagahapong adlawa. Kini mahitungod sa planong pagpahiluna sa mga biktima sa sunog sa Barangay Ubaldo D. Laya. Gipasiugdahan ang maong panagtigom pinaagi ni Rey Roque, ang hepe sa HRO uban sa mga representante sa National Housing Authority (NHA), City Social Welfare & Development (CSWD), ingon man ang mga Barangay Officials sa nasangpit nga barangay. Gihisgotan sa maong panagpulong ang mga tabang kun ayuda ingon man financial assistance nga ihatag ngadto sa mga biktima gikan sa lokal ug nasyonal nga gobyerno. Lakip nga gihisgotan usab, ang mga proseso alang sa pag-apod-apod og panimalay ngadto sa mga totally damaged ug structure owners sa Purok Matinabangon ug Silangan sa Barangay Ubaldo Laya ning dakbayan.

 

Maricris Jumalon Tumimbang / CIO