Wednesday, June 20, 2018

MGA KABATAANG ATLETA SA DAKBAYAN MALAMPUSONG NAKASULOD SA TOP 9 SA BATANG PINOY COMPETITION

(Martes, Ika-13 sa Marso 2018)

 

MALAMPUSONG nasakmit sa mga atletang kabataan gikan sa atong dakbayan sa Iligan ang ikasiyam nga puwesto sa gipahigayong Batang Pinoy Challenge sa dakbayan sa Dipolog. Kini sigon sa impormasyon nga gipadangat sa City Sports Office diin 20 ka gold medals ang nasakmit sa mga atletang kabataan, 26 ka silver ug 70 ka bronze medals. Nahimong kampeon ang mga kabataang babaye sa volleyball girls, silver sa softball ug silver usab sa beach volleyball.

Sumala pa ni Ms. Lorna Mata ang head sa City Sports Office nga mikuyog usab sa delegasyon sa Iligan nga nasakmit sa Iligan team ang ika-9th place batok sa 77 ka mga delegado sa tanang dapit sa atong nasud.

 

– – Bobby Capangpangan/CIO

###