Friday, December 06, 2019

MGA KAHIMOAN SA ICADAC SA TUIG 2019

(Miyerkoles, Ika-27 sa Nobyembre 2019)

 

SA kasaulogan o pag-obserba sa “National Drug Prevention & Control Week”, gipa-ambit sa Iligan City Anti-Drug Abuse Council (ICADAC) ang ilang mga kahimoan karong tuig 2019. Mikabat sa kuwarentay tres (43) ka mga kliyente ang gi-alalayan ug gi-proseso alang sa ilang admisyon ngadto saIligan City Drug Treatment & Rehabilitation Center sa Sitio Fatima, Barangay Abuno ning dakbayan sa Iligan, ug dunay bayente (20) ang admitted sa In-house treatment.

Nagpahigayon usab og “Pre-Screening Drug Testing” uban sa DOH ngadto sa  Singko mil, tresiyentos sinkuwentay siyete (5,357) ka mga indibidwal ug tres-mil, otso-siyentos siyetentay-uno (3,871) ka mga  tokhang surrenderers ug ingon usab sa seyento-nobenta (190) ka mga recovery drug dependents ang gi-enroll sa After Care program lakip na ang disisyis (16) ka mga barangay personnel. Lakip sa ilang aktibidades ang pagpahigayon og After Care & Follow-Up Program alang sa mga recovering drug dependents kinsa nakahuman og unom (6) ka bulan sa in-house treatment ug rehabilitasyon.

Gisilbihan usab sa ICADAC ang 132 ka mga kliyente sulod sa 18 months program nga rehabilitasyon, ug 26 na niini ang mi-gradwar sa maong programa. Alayon niini, nagpahigayon sila og Community Based Drug Rehabilitation Program (CBDRP) sa mga responders o drug surrenderers kinsa anaa sa listahan sa PDEA, PNP, Certified BADAC Watchlist gikan sa mga nagkadaiyang barangay sa Iligan uban sa pakigtimbayayong sa Department of Health (DOH), Department of Interior & Local Governement (DILG), Philippine Drug Enforcement Agency (PDEA), City Social Welfare & Development (CSWD), City Development & Livelihood Office (CDLO), TESDA ug sa ubang stakeholders.

 

Tess TL / CIO-WEB