Tuesday, June 25, 2019

MGA KAHIMOAN SA MGA GOVERNMENT AGENCIES, GITAHO UG GISUMITER SA LPCC IST QUARTER MEETING

(Miyerkoles, Ika-17 sa Abril 2019)

 

GITAHO ug gisumiter sa mga nagkadaiyang ahensya sa atong gobyerno ang ilang mga accomplishment report atol sa gipahigayong Local Price Coordinating Council 1st quarter meeting niadtong Abril 15, 2019 sa DTI Negosyo Center Training Room ning dakbayan. Base sa gihimong monitoring sa DTI (Department of Trade & Industry) sa mga basic commodities ngadto sa mga grocery stores ug supermarkets sa dakbayan, aduna’y pagtaas sa presyo sa ubang mga canned sardines, processed milk ug coffee gumikan sa raw materials ug transportation costs. Gibutyag usab sa representante sa PSA (Philippine Statistics Authority), nga sa ilang gihimong monitoring sa mga Agricultural Products, nagpabilin kining normal. Samtang gipahayag sa representante sa Lian Hong Incorporated nga duna’y pagtaas sa presyo sa asukar. Gipamahayag usab sa representante sa City Agriculture’s Office uban sa Market Vendor’s Association nga duna’y pagtaas sa presyo sa mga utanon karon sa kamerkadohan tungod sa epekto ug sa nasinating kainit sa panahon kun El Niño.

 

Maricris Jumalon Tumimbang / CIO