Saturday, November 18, 2017

MGA PRIVATE SCHOOLS NGA GIPATAWAG SA SP SESSION MIHATAG SA ILANG TAGSA-TAGSA KA PAGPASABOT

(Huwebes, Ika-6 sa Hulyo 2017)

 

MIHATAG sa ilang tagsa-tagsa ka pagpasabot ang mga pribadong tunghaan ning dakbayan sa Iligan human gipatawag kagahapon atol sa regular session sa 16th council. Base sa pahayag ni Mr. Reynaldo Mancia Dean of Student Affairs sa Iligan Medical Center College nga tungod sa hangyo sa mga ginikanan gumikan sa mitumaw nga mga text messages ug social media ang hinungdan sa ilang pagsuspend sa usa ka semanang walay klase.

Managsama usab ang pagpasabot sa representante sa Iligan Capitol College, St. Peter’s College, Lycuem of Iligan Foundation, ug Lasalle Academy. Sumala pa nga gitan-aw usab nila ang seguridad sa mga estudyante busa ilang na-uyonan nga e-suspend ang klase usa ka semana. Apan ang representante sa St. Michael’s College mipasabot nga ang rason sa pag-suspend sa ilang klase gumikan kay dunay usa ka semanang seminar ang ilang mga magtutudlo sa dakbayan sa Cagayan de Oro.

 

– – Bobby Capangpangan/CIO

###