Thursday, February 22, 2018

MGA RESIDENTE SA BRGY. LUINAB DAKOG KALIPAY SA GIPAHIGAYONG PEOPLE’S DAY

(Lunes, Ika-12 sa Pebrero 2018)

 

KAPIN sa libo ka mga residente sa Barangay Luinab ang malipayong mitambong sa unang pagbalik karong tuiga sa ‘’PEOPLE’S DAY” niadtong Biyernes, Pebrero 9, 2018. Kahinumduman nga naputol ang maong programa o proyekto sukad mahitabo ang giyera sa Marawi. Tumong sa maong programa sa atong halandong Mayor Celso Gomera Regencia kauban ang mga konsehales ning siyudad ang mahibaw-an ang mga yangu-ngu sa katawhan og ang mga problema kada barangay.

Layon usab sa maong programa nga mapa-abot ngadto sa katawhan kada barangay ning dakbayan ang mga programa o proyekto sa mga tanang ahensya sa gobyerno ning syudad. Lakip sa maong programa ang paghatag sa libreng konsultasyong medical, tambal og libreng alut sa buhok sa mga kalalakin-an og eyebrow threading sa mga kababa-inhan. Lakip usab ang paghatag og food packs, bugas og uban pang serbisyong medikal.

 

– – Bobby Capangpangan/CIO

###