Thursday, November 15, 2018

“MUGNA” ALANG SA UMAABOT NGA KAPISTAHAN SA DAKBAYAN, IPAHIMUTANG SA LUNA SA KCC MALL

(Martes, Ika-10 sa Hulyo 2018)

 

PAGATUKORON ug ipahimutang ang “Mugna” alang sa umaabot nga Diyandi Festival 2018, didto sa luna sa KCC MALL, atbang sa KFC restaurant, dalan sa Tibanga ning dakbayan. Mao kini ang gikumpirma ni ABC President Konsehal Cesarve Siacor atol sa pakighinabi niini sa Radyo Iligan. Sumala ni Siacor, nga gihangyo nila ang tigdumala sa KCC mall alang sa maong plano ug wala sila gipakyas niini. Diin niadtong Lunes, gisusi sa konsehal ug ni Engr. Leonor “Tata” Actub, hepe sa City Engineer’s Office (CEO) ang maong luna aron makita ug masuta ang mga kinahanglan nga i-debelop. Gidugang pa ni Siacor nga kinahanglan tambakan ug i-bulldoze ang mga estruktura o pader sa nasangpit nga luna aron kini malimpyo ug masugdan na hilayon ang pagtukod sa mga stalls o “mugna” sa nasangpit nga dapit.

 

– Maricris Jumalon Tumimbang / CIO

###