Saturday, July 20, 2019

NATIONAL DISASTER RESILIENCE MONTH, GI-OBSERBA KARONG TIBUOK BULAN SA HULYO

(Martes, Ika-2 sa Hulyo 2019)

 

GI-OBSERBA karon sa tibuok bulan sa Hulyo ang “National Disaster Resilience Month” (NDRM) uban sa tema karong tuiga nga: “Kahandaan sa Sakuna’t Peligro Para Sa Tunay Na Pagbabago.” Diin, gipasiugdahan sa Iligan City Disaster Risk Reduction and Management Office (ICDRRMO) sa pagpangulo ni Patrick Nuñez ang usa ka motorkada sa dakbayan kagahapong adlawa aron pag-abli sa nasangpit nga selebrasyon. Misalmot ug miduyog sa maong motorkada ang mga ahensya sa gobyerno lokal man o nasyonal ingon man ang mga pribadong sektor o institusyon sa dakbayan alang sa kampanya labot sa pagpangandam sa katalagman nga posibleng moigo sa Iligan. Kini nga kalihokan nag-awhag sa aksyon sa mga nasodnong ahensiya ug lokal nga pangagamhanan (LGUs) sa pagpatuman sa mga kampanya sa pagpanalipod sa kalamidad aron mapalambo ang kahibalo sa publiko mahitungod sa kamahinungdanon sa pagkunhod sa disaster risk ug pagdumala diri sa dakbayan. Kini maglakip sa upat nga mga tema nga mao ang: pagtipig sa katalagman ug pagpagaan, pagpangandam sa katalagman, pagtubag sa katalagman, ug pagbag-o sa kalamidad ug pag-ayo.

 

Maricris Jumalon Tumimbang / CIO