Wednesday, October 23, 2019

NATIONAL NUTRITION MONTH, GI-OBSERBA USAB KARONG BULANA

(Martes, Ika-2 sa Hulyo 2019)

 

USA sa mga mahinungdanon nga selebrasyon karong bulan sa Hulyo mao usab ang “National Nutrition Month” uban sa tema karong tuiga nga: “Kumain nang Wasto at Maging Aktibo…Push Natin ‘to!” Diin gipangunahan ang maong kasaulogan sa National Nutrition Council (NNC) dinhi sa Iligan. Giawhag sa Nutrition Council pinaagi ni Camela Albao ang tanan nga ahensya sa gobyerno ug ang ubang hingtungdan nga mosalmot ug mahimong kabahin sa mga aktibidades ug kalihokan alang sa selebrasyon sa Nutrition Month sama sa Family Fund Run, Cooking Contest sa mga Day Care Centers, Radyo sa Nutrisyon, Promosyon sa himsog nga estilo sa kinabuhi sa 44 ka mga barangay, Pagpananom sa mga Day Care Centers sa Iligan ingon man ang Pagsunod sa 10 Kumainments sa National Nutrition Council. Tinguha sa NNC nga makatabang sa pagdugang sa kahibalo sa katawhan sa dakbayan sa pagtawag sa usa ka aksyon alang sa pagpraktis og himsog nga pagkaon ug makahimo sa regular nga pisikal nga kalihokan, ug makunhoran ang dili aktibo nga kinaiya ug iduso ang usa ka himsog nga estilo sa kinabuhi.

 

Maricris Jumalon Tumimbang / CIO