Tuesday, June 25, 2019

NFA (NATIONAL FOOD AUTHORITY), GIKOMPIRMANG NAGPABILING P27/KILO ANG PRESYO SA NFA RICE

(Miyerkoles, Ika-17 sa Abril 2019)

 

GIKOMPIRMA ni Lenona Lenette Tahupis, representante sa National Food Authority (NFA) atol sa LPCC 1st quarter meeting, nga nagpabiling P27 kada kilo sa gihapon ang presyo sa NFA rice human nakaabot sa ilang buhatan ang taho nga duna’y namaligya og NFA rice nga P32 ang presyo kada kilo. Sumala ni Tahupis, nga kung duna’y mamaligya nga labaw pa ang presyo sa P27/ kilo posibleng mapailalom ang maong tindahan sa suspension ug cancellation sa iyang lisensya. Busa hugtanong gipahibalo ug giabisohan ni Tahupis ang publiko nga nagpabiling P27/kilo ang NFA rice diri sa Iligan lakip na sa tibuok nasod.

 

Maricris Jumalon Tumimbang / CIO