Wednesday, April 24, 2019

ORDINANSA KALABOT SA INTEGRATED SOCIALIZED COLOR-CODED HEALTH CARD INDIGENCY PROGRAM, PADAYONG GIHAN-AY UG GITUKI

(Miyerkoles, Ika-20 sa Marso 2019)

 

PADAYONG gituki ug gihan-ay sa Committee on Health sa pagpangulo ni Konsehal Belinda Lim uban sa Committee on Laws Chairman Konsehal Atty. Demosthenes Plando ug sa mga hingtungdang ahensiya o buhatan sa lokal nga pangagamhanan ang pagpanday sa usa ka ordinansa kalabot sa pag-establisar sa “Integrated Socialized Color-Coded Health” (ISCCoH) Card Indigency Program sa dakbayan. Ang maong ISCCoH card dunay upat ka color: Pula, Green, Blue, ug Puti nga mao ang kinahanglang ipresenta sa panahon nga madala ug ma admit ngadto sa City Hospital lakip na kung magpa-check up sa City Health Office (CHO). Diin makapahimulos sa libreng health services ang naghupot sa Red Card; Samtang 75 % discount sa health services sa dunay Green Card; 50 % discount sa Blue Card samtang 25 % nga diskwento ngadto sa dunay White Card. Gilinaw ni Lim, nga usa sa pinakadakong makabenepisyo sa maong ISCCoH cards mao ang mga s pinaka-kabus sa komunidad nga lumulupyo sa dakbayan ug usa usab nga ikonsedara ang monthly income sa usa ka indibidwal alang sa pag apod-apod sa color-coded cards. Dugang pa ni Lim nga applicable lamang usab ang maong mga cards sa City Hospital ug sa City Health Office ning dakbayan sa Iligan.

 

Maricris Jumalon Tumimbang / CIO