Tuesday, January 18, 2022

PAG-APOD-APOD OG LOWLAND RICE SEEDS UG FERTILIZERS GIKAN SA DA-10 NGADTO SA MGA MAG-UUMA SA DAKBAYAN, GIPASIUGDA SA LOKAL NGA KAGAMHANAN PINAAGI SA CAG

(Miyerkoles, Ika-25 sa Nobyembre 2021)

 

AGI’G pag-obserbar sa National Rice Awareness Month, ang City Agriculture’s Office (CAG) mipahigayon saDistribution of Lowland Rice Seeds and Fertilizers gikan sa Department of Agriculture PhilRice Region 10. Ang mga benepisyaryo sa maong proyekto gilangkoban sa Rice Growers gikan sa Barangay Digkilaan, Hinaplanon, Del Carmen ug Tomas Cabili.

Sumala ni Mr. Manuel Rico, Vice-President sa Tambo Farmers Association, dako ang ilang kalipay nga sila mga rice growers sa Iligan nahatagan gayod og pagtagad sa lokal na gobyerno, gikan sa abuno, binhi, insurance og uban pa.

Tungod niini, matod pa, walay rason kanila nga dili magtanom ug maningkamot aron mahimong mas malamboon ang ilang asosasyon og ingon ma improbar usab ang ilang pagtabang sa food supply dinhi sa Iligan.

Ang pag apod-apod sa mga binhi sa bugas ug fertilizer gitambongan nila City Councilor Ryan Ong ug Councilor Sol Bacsarpa , ang Chairperson sa Committee on Agriculture sa siyudad.

 

Maricris Jumalon Tumimbang / CIO