Saturday, January 18, 2020

PAG PASIGA SA CHRISTMAS VILLAGE 2019

(Miyerkoles, Ika-18 sa Disyembre 2019)

 

LGU- Iligan City gapahigayon sa pagbukas ug pag pasiga sa Christmas Village 2019 sa anahaw amphi theater niadtong adlawa’ng Lunes Disyembre 2, 2019 sa alas kwatro ang takna sa kahaponon. Kini nga programagipangunahan sa usa sa kugihan ug maabtikong konsehal ning dakbayan si Rudolph Charles ‘Tata” Tamula ang over all chairman sa christmas village ug gitambongan ug gisaksihan kini sa mga opisyales ning siyudad.

Sa maong programa gipresentar ang siyam ka grupo sa sangka sa panaygon sa mga nag kalain-laing departamento sa city hall. Sa pagpasiga sa maong mga Christmas lights ug sa mga nagka lain-laing desenyo sa decorasyon, nasiksihan kini sa mga kawani sa city hall ug sa mga walk-in na mga lumulupyo ning dakbayan. Diin nakita nila ug unsa ka anindot ang pag abli sa christmas village sa dakbayan sa iligan sa pagpaningkamot sa over-all chairman Tata Tamula uban sa 17th council sa dakbayan ug  sa amahan sa siyudad na si Mayor Celso Regencia.

Sa pag pamulong ni vice-mayor Jemar Vera Cruz nga ang meaning sa Christmas is “the face of lights” ang kasaulogan sa pag katawo sa atong manunubos. Siya ni saysay nga kung ngitngit ang atong palibot sa panahon sa kapaskohan murag dulom pod ang atong pasko. Apan kung naay mga suga sama sa christmas lights ang atong palibot kay ang suga simbolo sa kahayag sa kalibotan.  Matod ni Vera Cruz kini nag symbolized “the prince of the light and queen of the light” nga natawo panahon sa pasko walay lain kundili ang ginoo, ang manunubos. Siya ni saysay, nga sa season sa pasko kita mag minahalay bisan kinsa pa man ug unsa pa man ang status nila sa ilang tagsa-tagsa ka kinabuhi, mag pakita kita sa gugma na walay sukod.

 

Tess TL / CIO-WEB