Monday, September 24, 2018

PAGAHIN SA MGA BARANGAY CHAIRMAN SA PAGPALIT UG MEDISINA UG INSTRUMENTO ALANG SA MEDICAL PROGRAM SA ILANG BARANGAY, APRUBADO

(Biyernes, Ika-14 sa Septembre 2018)

 

APRUBADO sa mga konsehales sa dakbayan ang sugyot balaodnon ni Konsehal Belinda Lim nga mohangyo ngadto sa mga barangay chairman nga gahinan niini gikan sa 2019 Budget ang ilang barangay sa pagpalit ug medisina ug mga instrumento alang sa ilang medical program. Sumala ni Lim, mas dali ug mas monitored ang mga medisina nga kinahanglan sa constituents niini kung ang mismong barangay ang magahin. Gidugang usab ni Lim nga mas maayo nga gahinan sa mga barangay chairman ang maong mga panginahanglanon aron mas paspas ug dali maka-pahimulos ang mga constituents niini. Giklaro usab ni Lim nga ang maong sugyot alang lamang ngadto sa mga barangay nga aduna’y Internal Revenue Allotment (IRA) human gipahinumdom ni ABC President Cesarve Siacor, nga dili tanang barangay aduna niini.

 

– Maricris Jumalon Tumimbang / CIO

###