Wednesday, November 20, 2019

PINASKOHAN PARA SA J.O-CASUAL UG CONTRACTUAL SA CITY HALL, APROBADO NA

(Huwebes, Ika-7 sa Nobyembre 2019)

 

GIKA-uyonan sa 17th council sa Sangguniang Panlungsod atol sa ilang  Regular session ni-adtong Nobiyembre 5, 2019, ang balaodnon nga giduso ni City Councilor Petronilo ‘NOLI’ Pardilo, ang Chairman sa Committee on Finance kalabot sa paghatag og dos mil ka pesos (P2,000.00) nga gasa (gratuity) ngadto sa tanang Job Order,Casual ug Contractual nga mga kawani sa lokal nga kagamhanan alang karong tuiga.

Kahinumdoman nga unang gidasig ni Iligan City Mayor Celso G. Regencia si Pardillo nga maghimo og ordinansa sa unang session sa bulan sa Nobyembre aron maduso kini sa konseho sa siyudad ug maseguro nga makadawat og bonus ang mga empleyado.

Ang maong gratuity pay posibleng madawat sa mga J.O ug Casual employees karong bulan sa Disyembre alang sa pagsaulog sa mga empleyado uban sa ilang mga pamilya sa pagsugat sa pasko ingon man sa bag-ong tuig.

 

 

Maricris Jumalon Tumimbang / CIO