Tuesday, June 25, 2019

PAGPINTAL SA MGA UNITS SA BLISS VILLE HOUSING PROJECT SA LOKAL NGA KAGAMHANAN, IPA-AGI OG BAYANIHAN

(Biyernes, Ika-7 sa Hunyo 2019)

 

GITAKDANG himoon ang pagpintura sa mga units sa Bliss Ville Housing Project sa lokal nga pangagamhanan sa mismong “Adlaw sa Iligan”. Kini ang gihisgotan ug namitingan kagahapon sa buntag sa Project Management Committee nga gilangkoban sa House Resettlement Office (HRO) pinaagi ni Rey Roque ingon man sa mga enhinyero sa City Engineer’s Office. Gisalmotan usab kini sa mga Enhinyero sa Contractor lakip na sa Youth Affairs Office nga diin mao ang mangulo sa nasangpit nga kasaulogan. Gikauyonan pinaagi sa maong miting ang “Bayanihan” kun pagtinabangay sa mga benepisyaryo ingon man sa lokal ug Non-Government Organizations (NGO’s) ang gitakdang pagpintal sa mga units sa Bliss Ville. Sumala ni Roque, ang hepe sa HRO, nga mas makabuluhan ang pagselebrar sa Adlaw sa Iligan kung duna’y himoon nga kalihokan ang lokal, nasyonal nga gobyerno ingon man ang ubang organisasyon nga makabuluhan pinaagi sa panaghiusa ug pagtinabangay sama sa giingong “Bayanihan”.

 

Maricris Jumalon Tumimbang / CIO