Thursday, November 15, 2018

PAGSIBOG SA CURFEW HOURS SA DAKBAYAN, PADAYONG PAGATUKION KAUBAN ANG OPINYON SA KAPULISAN UG KASUNDALUHAN SA DAKBAYAN

(Huwebes, Ika-12 sa Hulyo 2018)

 

PADAYONG pagatukion sa umaabot nga Sangguniang Panlungsod session ang isyu kalabot sa pagsibog sa curfew hours diri sa atong dapit. Diin kahinumduman nga gisugyot ni Konsehal Ian Uy, hepe sa Committee on Peace & Order atul sa SP sesyon, ang pag-isbog sa oras sa curfew gikan alas-diyes hangtud alas-onse sa gabii, himuon na kining alas-onse hangtud alas-dose sa kagabhion alang sa umaabot nga kapistahan ni Sr. San Miguel nga diin mao usab ang suhestiyon ni Konsehal Cesarve Siacor, overall chairman sa Festival Committee alang sa Diyandi 2018. Samtang, gisugyot usab ni City Acting Mayor Jemar Vera Cruz pinaagi sa endorsement letter niini pinaagi kay Konsehal Jake Balanay, nga kinahanglan una madungog ang opinyon gikan sa mga hingtungdang opisyal nga sila City Director Leony Roy Ga ug sa 4th mechanized battalion nga diin mao gayud ang nahibalo sa peace & order situation ug sa seguridad sa Iligan. Busa, nagkauyon usab ang tanang konsehales sa maong lakang alang sa hingpit nga seguridad sa tanang katawhan diri sa atong dakbayan.

 

– Maricris Jumalon Tumimbang / CIO

###