Thursday, August 22, 2019

PANAGHIUSANG CLEARING OPERATION SA DALAN SA TAMBACAN, GIHIMO

(Biyernes, Ika-9 sa Agosto 2019)

 

NAGPASIUGDA ang CMO-Multi Task Force sa pagpangulo ni Col. Leony Roy Ga uban ang Anti-Littering Task Force Group ug Iligan City Traffic & Parking Management Office (ICTPMO) og usa ka clearing operation sa dalan sa Barangay Tambacan, niadtong milabay’ng adlaw Agosto 7, 2019. Tumong sa maong operasyon nga limpyohan ang mga kadalanan o sidewalk sa Tambacan sa mga sagabal ingon man sa mga nag illegal parking nga mga awto alang sa hapsay nga dalan ug iwas trapiko. Tuyo ug tumong usab sa maong operasyon nga magpunting sa regulasyon ang mga tricycles ug pedicabs ingon man ang mga tartanilya sa eksaktong punto o lugar sa pagkarga ug pagdiskarga sa mga pasahero sa maong lugar isip usa kini ka accessible kun haduol o main road alang sa mga dagko ug gagmay’ng sakyanan.

 

Maricris Jumalon Tumimbang / CIO