Thursday, August 22, 2019

PNP, PADAYONG NAGPAHINUMDOM SA PUBLIKO LABOT SA GUN BAN

(Biyernes, Ika-17 sa Mayo 2019)

 

PADAYONG nagpahinumdom ang Philippine National Police (PNP) ngadto sa publiko labot sa padayon nga pagpatuman sa “Gun Ban”. Kini ang pahimangno ni PNP Chief Ocsar Albayalde bisan pa man nga natapos na ang eleksiyon. Sigon ni Albayalde nga molungtad ang Gun Ban hangtod sa pagtapos sa Election Period taman sa Hunyo 12, 2019. Gibutyag ni Albayalde nga taliwala sa pagtapos sa botohan, hugot gihapon ipatuman sa PNP ang gun ban ug ang pagdili sa mga dili otorisadong pagkuha sa mga body guard ug sa mga security personnel. Sumala pa sa opisyal nga suspendido usab ang tanang Permit To Carry Firearms Outside Residence (PTCFOR) sa mga lisensyadong naghupot og armas kun gun holders hangtod ilibkas sa Comelec ang nasangpit na gun ban.

 

Maricris Jumalon Tumimbang / CIO