Saturday, July 20, 2019

PROGRAMANG PEOPLE’S DAY, ANDAM IPADAYON NI REGENCIA TALIWALA SA MGA GIPAGAWAS SA MGA KRITIKO NGA USA KA ILEGAL

(Martes, Ika-19 sa Marso 2019)

 

GIPAMAHAYAG ni Iligan City Mayor Celso Regencia nga andam niining ipadayon ang programang People’s Day taliwala sa mga gipagawas sa mga kritiko nga usa kini ka ilegal ug aduna’y hulga nga pasakaan og reklamo. Sumala ni Regencia, undangan lamang niya ang pagpahigayon sa People’s Day kung mismong ang Korte na ang magmando nga undangan ang nasangpit nga programa. Kahinumdoman nga unang gisugdan ni Regencia ang programang ”People’s Day” niadtong tuig 2013 kuyog ang mga department heads tungod ang mga kanhing konsehales sa siyudad kaniadto dili mukuyog pag-adto sa mga kabaranggayan ug naundang kini niadtong napriso si Regencia ug napadayon pag-usab niadtong tuig 2017, sa dihang nakagawas na kini sa bilanggoan. Dako ang pagtuo ug baroganan ni Regencia nga ang usa ka lider, dapat moduaw sa iyang katawhan ug dal-on ang serbisyong gobyerno ngadto sa mga kabaranggayan, busa gimugna niini ang nasangpit nga programa.

 

Maricris Jumalon Tumimbang / CIO