Thursday, April 26, 2018

PUNDO GIKAN SA DEPT. OF AGRICULTURE GITUNOL NGADTO SA CITY AGRICULTURE OFFICE

(Martes, Ika-5 sa Disyembre 2017)

 

GIPANGUNAHAN ni Councilor Eric Capitan ang Chairman sa Committee on Agriculture uban usab sa  buhatan sa City Agriculture pinaagi sa hepe nga si Mr.  Octavious Molo ang pag-turnover sa symbolism cheque sa LGU nga adunay kantidad nga 3 milyones ka pesos alang  sa Fish Landing Project. Diin ang makadawat niini nga proyekto ang Brgy. Saray. Gidawat ang maong cheque ni Vice Mayor Vera Cruz kauban ang City Council. Sumala pa ni Councilor Capitan nga niadto pang bulan sa Septembre ning tuiga  giandam ang maong pundo ug niadtong milabay’ng semana lamang kini na-download sa lokal nga kagamhanan sa Iligan.

Dako ang pasalamat ni konsehal Capitan sa padayong pag-abag sa nasudnong buhatan sa agrikultura diha sa mga proyekto sa City Agriculture ug ang pag-abag usab ni Iligan City Mayor Celso G. Regencia. Naglaum ang konsehal nga sa daling panahon magamit gilayon kini sa mga fisherfolks sa nahisgutang barangay.

 

– – Bobby Capangpangan/CIO

###