Monday, March 30, 2020

SA KAPULISAN KAMPANYA BATOK ILEGAL NGA DROGA PADAYONG GIHINGUSGAN

(Martes, Ika-6 sa Marso 2020)

 

ILIGAN CITY POLICE OFFICE — Gawas sa sunod-sunod nga buy-bust operation nga gihimo sa kapulisan dinhi sa dakbayan sa Iligan sa pagpangulo ni Iligan City Police Director PCOL. Michael M. Pareja, padayon usab sila sa pagpahigayon og Drug awareness campaign kon information dissemination batok ilegal nga droga.

Gihingusgan pa sa kapulisan (ICPO) ang pagpanghatag og mga leaflets kon IEC materials ngadto sa mga kabarangayan ingon man ang pag-post og mga infographics diha sa social media.

Nagpasilitar usab sila og dialogue (pakig-istorya) ngadto sa mga kabatan-onan kalabot sa RA 9165 (Comprehensive Dangerous Drugs Act of 2002), RA 8353(Anti-Rape Law), RA 9344 (Juvenile & Welfare Act), RA 7610 (Anti-Child Abuse Law), ug RA 9262 (Anti-Violence Against Women and Children).

Alayon niini, gidasig usab sa kapulisan ang katawhan sa pakig-timbayayong ingon mabinantayon ug dili magpanuko sa pagsumbong sa mga otoridad kun adunay mahibaw-an nga namaligya o naggamit sa illegal nga druga sa ilang komunidad.

 

Maricris Jumalon Tumimbang / CIO