Saturday, January 18, 2020

SAKIT NGA HIV/AIDS MIDAGHAN SA SIYUDAD

(Biyernes, Ika-20 sa Disyembre 2019)

 

CITY HEALTH OFFICE — Mokabat sa siyento-utso (108) ang natakboyan sa sakit nga HIV/AIDS dinhi sa dakbayan sa Iligan , kini base sa kasayoran nga giluwatan sa City Health Office, pinaagi ni Dr. Glenn Manarpaac ang Assistant City Health Officer ning siyudad.

Ang buhatan sa CHO sa siyudad mihimo og lakang aron  mapugngan og batokan ang maong sakit nga dili mokuyanap pa sa ubang tawo. Tungod niini, ang tumong ug tinguha sa buhatan nga matagaan gayod og dugang pagtagad ug prayoridad ang kaso sa HIV/AIDS diri sa Iligan. Gipahibalo ug gidasig niini ang publiko alang sa libreng HIV screening/testing aron sa early detection sa maong sakit ilabi na karong tuiga.

Gipatin-aw ni Dr. Manarpaac, nga giseguro usab sa CHO nga kompidensiyal ang mahimong record niadtong adunay positibong resulta sa sakit gumikan aduna’y peer educator sama sa health workers ug social workers alang sa counselling ingon man paghatag sa mga importanteng impormasyon mahitungod sa maong sakit busa dili kinahanglan ang pagpanukob alang sa HIV testing.

 

Maricris Jumalon Tumimbang / CIO