Saturday, September 21, 2019

SETYEMBRE 14, GIDEKLARANG CLEAN-UP DAY SA TIBUOK ILIGAN

(Biyernes, Ika-13 sa Septembre 2019)

 

GIDEKLARA ni City Mayor Celso Regencia nga ugmang adlawa, Sabado, Setyembre 14, usa ka adlaw sa pagpanglimpyo kun “Clean-Up Day” sa tibuok Iligan. Kini subay sa Executive Order No.117, series of 2019 nga gipagawas sa amahan sa dakbayan niadtong Agosto 9, 2019. Ang maong Clean-Up Drive, pagahimoon sa tanang major streets sa dakbayan ingon man sa tanang kabarangayan gikan sa Boundary sa Dalipuga paingon ngadto sa boundary sa Buru-un. Pinaagi sa maong EO gimando sa amahan sa dakbayan ang tanang lokal offices, national government agencies, non-government agencies, schools and colleges, barangays, business establishments, ingon man civic groups ug business organizations nga mosuporta ug mosalmot sa maong aktibidad isip preparasyon alang sa selebrasyon sa kapistahan sa atong Patron na si Senior San Miguel Arkanghel.

 

Maricris Jumalon Tumimbang / CIO