Friday, October 19, 2018

SEWAGE CUTTER, GI-APOD-APOD NGADTO SA MGA MAG-UUMA SA KABUKIRANG BAHIN DIRI SA DAKBAYAN

(Lunes, Ika-11 sa Hunyo 2018)

 

GI-APOD-APOD sa City Agriculture Office pinaagi ni Konsehal Eric Capitan, hepe sa Committee on Agriculture kauban si Acting Mayor – Vice Mayor Jemar Vera Cruz og mga konsehales, ang usa ka sewage cutter alang ngadto sa mga mag-uuma sa kabukirang bahin ning atong dakbayan. Gikabutyag ni Capitan atol sa flag raising kaganina, nga layon gayud sa maong ahensya kauban ang kasamtangang administrasyon nga mahatagan og assistance o ayuda ang mga mag-uuma hilabi na sa kabukiran aron kini matabangan sa ilang mga adlaw-adlaw nga buluhaton. Usa niini ang sewage cutter nga diin makatabang kanila aron dali maputol og magaling ang mga sagbot nga diin gamiton sa pagpakaon sa ilang mga binuhing hayop susama sa baka og kabaw. Gidugang pa sa konsehal nga daghan pang mga programa ang naka-eskedyul.

 

– Maricris Jumalon Tumimbang / CIO

###