Monday, May 21, 2018

SOLO PARENT OG ERPAT GROUP, NAKADAWAT OG LIVELIHOOD ASSISTANCE GIKAN SA CITY SOCIAL WELFARE & DEVELOPMENT

(Miyerkules, Ika-16 sa Mayo 2018)

 

GIDAWAT sa mga solo parents og erpat group diri sa Iligan ang livelihood assistance nga gihatag ngadto kanila sa City Social Welfare & Development (CSWD) kagahapon atol sa pagkayap sa nasudnong bandila didto sa City Hall Ampitheather ning dakbayan. Ang maong livelihood assistance, gilangkuban sa tag-pulo ka sakong bugas alang sa bigasan nga mamahimong panginabuhian sa matag grupo isip mga solo parents gikan sa Brgy. Buruun, Del Carmen, Abuno og Maria Cristina og ang Erpat group nga gikan sa Brgy. Mandulog, Ditucalan og Brgy. Saray. Ang maong paghatag sa nasangpit nga livelihood assistance gipangunahan sa hepe sa CSWD, Grace Joy Saquilabon og gi-ubanan usab ni City Mayor Celso Gomera Regencia og sa mga konsehales ning atong dapit. Ang paghatag sa livelihood assistance ngadto sa mga solo parents og erpat group, diin usa lamang sa benipisyo nga nakasaad sa Republic Act No. 8972 con “Solo Parent Welfare Act of 2000”.

 

– – Maricris Jumalon Tumimbang / CIO

###