Wednesday, August 22, 2018

SWISS CHALLENGE, TUBAG SA HINADALING PAG-ABRI SA NATIONAL STEEL CORPORATION SIGON NI ACTING MAYOR JEMAR VERA CRUZ

(Miyerkules, Ika-13 sa Hunyo 2018)

 

GIKABUTYAG ni Acting Mayor Jemar Vera Cruz atol sa programa sa LGU Iligan didto sa City Hall, nga usa sa nakita niining solusyon og pinakamaayong lakang nga pagabuhaton aron ma-abrihan og mapili sa kagamhanang lokal ning dakbayan ang pinakahaom nga investors alang sa National Steel Corporation (NSC) mao ang “Swiss Challenge”. Sumala ni Vera Cruz, bag-uhay pa lamang nahuman na pagsulbad ang mga problemang legal kalabot sa nasangpit nga kumpanya sa puthaw og sa kasamtangan, gipaninguha sa kagamhanang lokal hilabi na sa Sangguniang Panlungsod nga ipadayon ang gisang-at niini nga ordinansa nga mao ang Swiss Challenge aron mahidali og ma-paspas ang negosasyon kalabot sa pag-invest sa NSC diri sa dakbayan. Alayon niini, gihangyo usab ni Vera Cruz ang tabang og koordinasyon gikan ni City Legal- Atty. Voltaire Rovira, Chief of Staff- Atty. Rafael Benedictos, Jr. og City Administrator- Atty. Dexter Rey Sumaoy alang sa pagpanday sa nasangpit nga lokal ordinance.

 

– Maricris Jumalon Tumimbang / CIO

###