Saturday, December 16, 2017

TASK FORCE ILLEGAL WATER CONNECTION SA ICWS WALAY HUNONG SA ILAHANG PAGMONITOR SA MATAG BARANGAY

(Huwebes, Ika-20 sa Abril 2017)

 

WALAY undang ang task force illegal water connection sa pagmonitor sa matag kabarangayan kalabot sa mga naggamit ug ilegal nga koneksyon sa supply sa tubig. Sumala pa ni Mr. Alfredo Iglupas ang hepe sa task force illegal connection nga walay hunong karun ang ilahang pagmonitor sa matag kabalayan diha sa mga kabarangayan sanglit  daghan na ang ilahang nasapnan. Sa pagkakaron anaa na sa 2,500 ka mga violators ang ilang nasapnan nga nag-ilegal. Kasagaran sa ilahang mga nangasapnan mga nag-octopus connection, nag-ilegal re-opening, unregistered connection ug ilegal usage of booster pumps. Dugang pa aniya nga tungod sa ilahang hugot nga pagmonitor sa mga nag-ilegal mitaas ang ilahang collection sa patubig.

Kahinumduman nga niadtong milabay’ng bulan nagmalampuson ang ilahang pagmonitor sa matag kabalayan diha sa barangay Mahayahay. Midugang pa si Mr. Iglupas sa pag-ingon  nga ang barangay Mahayahay dunay 3000 kapin kon kulang ka mga kabalayan  apan 1000 kapin lang niini ang nakarehistro. Atol sa ilahang gipahigayon nga house to house monitoring dunay daghan ang nangasapnan. Sa pagkakaron padayon pa ang ilahang pagsusi sa matag kabalayan diha sa barangay Tambacan pinaagi sa pagdumala ni kanhi Barangay Kapitan Maglangit.

 

– – Bobby Capangpangan/CIO

###