Tuesday, June 25, 2019

TESDA, MAGPAHIGAYON OG COMMUNITY-BASED TRAINING PROJECTS NGADTO SA MGA KABARANGGAYAN

(Huwebes, Ika-11 sa Abril 2019)

 

GIPAMAHAYAG ni Engr. Mario Labisig, ang Officer-in-Charge ug Center Administrator sa Regional Training Center sa TESDA-Iligan, nga usa sa ilang mga programa mao ang pagpahigayon og Community-Based Training Projects ngadto sa kabaranggayan o ginatawag nga “Pa-Liga ng Tesda sa Barangay”. Diin, aduna’y pagpahigayon nga pagtudlo ngadto sa mga residente sa usa ka baranggay labot sa dressmaking, residential wiring, welding, masonry, carpentry ug uban pa. Sumala ni Labisig sa interview niini sa media, nga lima hangtod ngadto sa pulo ka adlaw (5 to 10 days) ang duration period sa training sa maong nasangpit nga mga kurso ug duna’y ihatag nga Certificate of Training alang ngadto sa mga trainees. Dugang pa ni Labisig  nga kung gusto sa trainee nga mopadayon sa ilang natun-an ug ipausbaw kun ipauswag kini. Pwede sila moadto sa TESDA- Regional Training Center sa Maria Cristina, ning dakbayan aron makakuha og National Certificate (NC II). Gidasig usab ni Labisig ang mga opisyales sa baranggay nga makipag koordinar ug moduol ngadto kanila alang sa paghatag og slots gikan sa nasangpit nga programa sa TESDA.

 

Maricris Jumalon Tumimbang / CIO