Thursday, July 19, 2018

USA KA LIBO NGA BAYAD ALANG SA SERBISYO SA USA KA TOURIST GUIDE SA DAKBAYAN, GITUKI PINAAGI SA IKADUHANG PUBLIC HEARING

(Miyerkules, Ika-11 sa Hulyo 2018)

 

GITUKI atul sa ika-duhang public hearing sa Committee on Tourism pinaagi sa hepe niini nga si Konsehal Sorilie Bacsarpa, ang gisugyot niining ordinansa kalabot sa pag-imposar ug usa ka libo nga bayad alang ngadto sa serbisyo sa usa ka tourist guide nga mao’y mogiya sa mga turista ngadto sa mga tourist sites diri sa atong dapit. Sumala ni Bacsarpa, nga tumong niini nga maproteksyonan ang tour guide nga magahatag sa iyang serbisyo ug aron aduna na gayud basehan ang pagbayad sa serbisyo niini. Apan gi-klaro usab sa konsehal uban sa City Tourism Office, Officer-in-Charge Nicolette Dela Cruz, nga kinahanglan usab ang tour guide accredited sa buhatan sa Turismo aron sa insurance purposes sa mga turista ug hilabi nang kinahanglan nga miagi usab kini sa usa ka bulan nga tour guiding training ug seminar gikan sa Department of Tourism didto sa Region 10.

 

– Maricris Jumalon Tumimbang / CIO

###